Чүйдүн тургундары Бишкекке жакын шаар, айылдарга каттаган маршруткалардын ордо калаага кирбей, элди «талаага» таштап коюп жатканына нааразы болуп, видео кайрылууларды таратышууда.
Эске салсак, буга чейин Кара-Балта, Кайыңды, Беловодское, Чалдыбарга каттаган маршруттук каттамдар жүргүнчүлөрдү Дэн Сяопин проспектиндеги шлагбаумга чейин жеткирчү. Кечээтен бери Бишкекке бардык маршруткалар киргизилбей калган. Алар жүргүнчүлөрүн батыш тараптагы убактылуу автобекетке түшүрүшүүдө.