Чүйдө сарайдан чыккан өрт толугу менен өчүрүлдү. Бул тууралуу ӨКМдин басма сөз кызматынан билдиришти.
Маалыматка ылайык, Чүй облусунун Аламүдүн районуна караштуу Лебединовка айылында жайгашкан жыгач устундуу сарайдан чыккан өрт саат 24:05те толугу менен өчүрүлдү.
Өрттү өчүрүүдө ӨКМдин өрт өчүрүүчү куткаруучусу жабыркаган. Ал дароо облустук ооруканага жеткирилген. Учурда анын абалы жакшы экендиги белгилүү болду.
Кырсыктын кесепетинен 50 түк чөп жана бастырма өрттөнгөн. Өрттүн жалпы аянты 150 чарчы метрди түзөт.
