Африкадагы Чад Республикасынын президенти Идрис Деби алтынчы мөөнөткө шайлангандан бир нече күн өтпөй өткөн дем алыш кундөрү болгон козголоңчулар менен куралдуу кагылышта алган жаракатынан улам каза тапты деп маалымдады AFP. Учурда өлкөнү башкарууну аскерийлер тарабынан түзүлгөн өткөөл мезгилдин Улуттук кеңеши өзүнө алды. Бул кеңеш өкмөттү жана парламентти таратуу менен өлкөнү алдыдагы 18 ай аралыгында башкарат.
Чад армиясынын өкүлү – генерал Азем Бермандоа Агунанын айтымында,Идрис Деби улуттун эркиндигин коргоп жатып согуш талаасында жан берди. Ал бийликке 1990-жылы келген жана үстүбүздөгү айда эле алтынчы мөөнөткө шайланган болчу. Бирок, кезектеги инаугурациясына чейин жашай албай калды.
