Корея Республикасында өтүп жаткан Чхонджу эл аралык кол өнөрчүлүк биенналеси алкагында Кыргызстандын “Кыргыз кийиз касиети” аттуу атайын көргөзмөсү ачылды. Бул тууралуу Кыргыз Республикасынын Маданият, маалымат жана жаштар саясаты министрлиги билдирди.
Көргөзмөнүн расмий ачылыш аземине министр Мирбек Мамбеталиев катышып, уюштуруучуларга ыраазычылык билдирип, кыргыз кийизи ата-бабалардан калган баалуу мурас экенин баса белгиледи.
— Кыргыз кийизи улуттук турмуштун, дүйнө таанымдын жана руханий баалуулуктардын символу. Бул көргөзмө Кыргызстанды дүйнөлүк маданий мейкиндикке таанытууда маанилүү кадам, — деди министр Мамбеталиев.
Көргөзмөнүн өзгөчөлүктөрү:
-
Кийиздин тарыхый жана маданий мааниси чагылдырылган;
-
Улуттук оюм-чиймелердин символикасы жана мааниси көрсөтүлгөн;
-
Коноктор кыргыз элинин уникалдуу кол өнөрчүлүк мурастары менен таанышууга мүмкүнчүлүк алышты.
“Кыргыз кийиз касиети” көргөзмөсү кыргыз элинин бай маданий дөөлөттөрүн дүйнөлүк коомчулукка таанытуу максатында уюштурулуп, чет элдик коноктор тарабынан кызыгуу менен тосулду.
