Үстүбуздөгү жылдын 13-январь күнү филармонияда Чубак Сатаевдин туулган күнүнө карата: “Адамдарга ак тилек” аттуу эскерүү концерти өтөт. Бул тууралуу Маданият, маалымат, спорт жана туризм министрлиги билдирди. Маданий иш-чара Чубак Сатаев коомдук фонду жана аты аталган министрлик тарабынан уюштурулууда.
«Бул кечте залкар талантты эскерип, ырларын ырдап: С. Садыкова, К. Абылов, Г. Сатылганова, Б. Алымкулов, К. Мамбетов, Борончу, К. Ажыбаев, Омар, Н. Насип, Н. Садыров, И. Назаров, Сагыныч, С. Садыбакасова, Ж. Мурат кызы, С. Туркменов, Кеңеш тобу, К. Сатаев, Т. Сатаев ж.б. катышат. Бишкек шаарынан алыс жашаган тургундар, оптима карта же элсомго төлөө аркылуу, билеттерди алдын ала брондоп койсо болот,» – деп айтылат билдирүүдө.