Кечээ Бишкекте №26 Ленин бир мандаттуу шайлоо округунан Жогорку Кеңештин депутатын шайлоо болду. Добуш берүү үчүн 51 шайлоо участогу ачылган. Бирок, бул шайлоого келип катышкандардын саны өтө эле аз болгон. Аталган округда шайлоочулардын жалпы саны 124 миң 908 адамды түзсө, анын ичинен шайлоого 17 миң 423 адам катышкан. Шайлоодо жалпы 29 талапкер депутаттыкка ат салышты.
Автоматтык эсептөөлөр боюнча эң көп добуш алган талапкерлер:
- Ниязалиева Дамира Абаскановна 6 миң 242 добуш же 35,83%,
- Сариев Улан Алмасбекович 2 миң 70 добуш же 11,88%,
- Искаков Эртай Дүйшөбекович 1 миң 317 добуш же 7,56% болду.