Бир кездеги дүйнөдөгү эң ири А68a деп аталган айсберг толугу менен эрип бүтүп калды. Бул тууралуу Sky News агенттиги жазып чыкты.
АКШнын Улуттук муз борборунун өткөн жума күнү тарткан сүрөтүндө, айсберг эрип отуруп, майда бөлүктөргө бөлүнүп кеткен. Басылманын билдирүүсүндө, жарылган бөлүктөр кичинекей көлөмдө болуп, муз борборунун көзөмөлдөө бөлүмү байкоо жүргүзө албай калган. Бирок, аталган борбор дүйнөдөгү эң ири айсбергдердин жер жүзүнөн эрип жок болуп бара жатканы тууралуу расмий билдирүү тараткан жок.
2017-жылы аталган айсберг Ларсен мөңгүсүнөн бөлүнүп түшүп, аянты 6000 чакырымды түзгөн эң ири айсбергдердин бири болгон. Салыштыруу үчүн: А68а — Киев шаарынан жети эсеге чоң аянтка ээ болгон.
2020-жылдын соңунда окумуштуулар аталган айсберг эрип, экиге бөлүнүп, бир бөлүгү Түштүк Джорджия аралына залал берет деп кооптонуп турушкан. Анткени, эгер айсберг Түштүк Джордияны басып калганында, аралда жашаган пингвин менен тюлендерге коркунуч жаралмак.
Бирок айсберг ага жетпей эле, эрип майда бөлүктөргө бөлүнүп калды. 2020-жылдын февраль айында Антарктидада Киевдин аянтынан чоң болгон дагы бир айсберг бөлүнгөнү кабарланды.
Дүйнөдөгү эң ири айсбергдердин бири эрип кетти
