«Е-Дипломат»мамлекеттик мекемеси түзүлдү

Президент Садыр Жапаров «Кыргыз Республикасынын Тышкы иштер министрлигине караштуу «Е-Дипломат» мамлекеттик мекемесин түзүү жөнүндө» Жарлыкка кол койду.

Бул документтин максаты — тышкы миграция жаатындагы мамлекеттик башкаруу системасын оптималдаштыруу, уруксат берүү кызматтарынын сапатын жогорулатуу, ошондой эле виза жана миграция маселелерине комплекстүү мамиле түзүү.

Жарлыкка ылайык:

• Тышкы иштер министрлигине караштуу «Е-Дипломат» мамлекеттик мекемеси түзүлөт.

• Мамлекеттик мекеменин эмгек акы чыгымдары Тышкы иштер министрлигинин атайын эсебинин каражаттарынан каржыланат.

• Министрлер Кабинети бир айдын ичинде:

  1. Жарлыкка ылайык чечимдерин тууралайт;

  2. Мамлекеттик мекеме жөнүндө жобо жана штаттык санын иштеп чыгып бекитет;

  3. Тышкы иштер министрлигинин штаттык санын 40 бирдикке көбөйтүү боюнча чара көрөт;

  4. Жарлыктан келип чыккан башка зарыл чараларды ишке ашырат.