ТАСС агенттигинин маалыматына караганда, кечээ,жекшембиде Каирдин түндүк тарабындагы Кальюбия провинциясында жүргүнчүлөрдү ташуучу поезд жолдон чыгып, натыйжада 97 адам жабыр тартты, набыт болгондор жок.
Провинциянын губернаторлугунун билдирүүсү боюнча Каирден Эль-Мансура шаарына багыт алган поезддин сегиз вагону белгисиз себептерден улам Тух деген калктуу пункттун аймагында рельстен чыгып кеткен. Кырсык болгон жерге 50 тез жардам унаасы жөнөтүлгөн. Ал жерге саламаттыкты сактоо министри Хала Заид да барды.
Кошумчаласак, 14-апрелде эле өлкөнүн түндүгүндөгү Шаркия провинциясындагы Минья эль-Камх калктуу пунктунун аймагында жүргүнчулөрдү ташыган поезддин 4 вагону рельстен чыгып кетип 15 киши жаракат алган.
