Баткен облусуна караштуу Кадамжай районунда эки жашар кызын сабаган аял бир айлык мөөнөткө камакка алынды. Мындай чечимди бүгүн, 1-февралда райондук сот чыгарган.
Наристесин сабаган аял 2023-жылдын 1-мартына чейин СИЗО-53тө болот.
Эске сала кетсек, 2023-жылдын 27-январында милицияга Кадамжай районунун 1984-жылы туулган А.Б. аттуу тургуну арыз менен кайрылып, анда жарандык никедеги Ш.М. аттуу аялы А.Х. аттуу 2021-жылы туулган кызын уруп, зомбулук көргөзгөндүгүн билдирип, мыйзам чегинде чара көрүүнү суранган.
Аталган маалымат Кадамжай райондук милициясынын маалыматтардын электрондук журналына катталып, тергөөгө чейинки текшерүү иштери башталган.