Мамлекеттик салык кызматы кыймылсыз мүлккө салынуучу салыктар автоматтык түрдө эсептелерин билдирди. Мындан ары мүлк салыгын эсептөө ошол мүлк жайгашкан аймактагы салык органы тарабынан жүргүзүлөт.
Азыркы тапта Салык кызматы жаңы автоматташтырылган система иштеши үчүн техникалык иштерди аткарууда. Бул салык төлөөнү жеңилдетип, кагаз иштерин азайтып, эсептөөнү так кылууга жардам берет.
Салык кызматы жеке жана юридикалык жактарды өзү жөнүндө жана үй-мүлкү тууралуу документтердеги маалыматтарды алдын ала текшерип чыгууга чакырууда.
Төмөнкү маалыматтардын тууралыгын текшерүү зарыл:
— Мүлк салыгынын ээсинин жеке идентификациялык номери;
— Юридикалык жактын аталышы, фамилиясы, аты, атасынын аты;
— Кыймылсыз мүлк объекттеринин жана жер тилкелеринин аянтын;
— Объекттерди дайындоо;
— Ээлик үлүштөрү;
— Каттоо датасын жана укук белгилөөчү документтерде чагылдырылган башка параметрлерди.
Маалыматтарды өз убагында тактоо салыктын туура жана автоматтык эсептешине жардам берет.
