Энергетика министри Таалайбек Ибраев Нарын облусундагы Кара-Кече кенине барып, көмүр казуу, жүктөө иштеринин жүрүшү менен таанышты.
КР Энергетика министрлигинин басма сөз кызматынан кабарлашкандай, Кара-Кече кенинде күнүнө 5 миң тоннадан ашуун көмүр казылып, 200дөй автоунаа жүктөп, аймактарга жеткирүү иштерин жүргүзүүдө.
Таалайбек Ибраев Кара-Кече кенинин жетекчилигине калкка көмүрдү үзгүлтүксүз жеткирүү боюнча тапшырма берди.
Ошондой эле энергетика министри Балыкчы шаарында жайгашкан көмүр базасына барып, көмүр ташып келүү жана жеткирүү иштери менен таанышты.