«Эркин-Тоо» мамлекеттик расмий гезити жыл жыйынтыгын чыгарып, өлкөнүн социалдык-экономикалык жактан өнүгүшүнө өзгөчө салым кошкон инсандардын эмгегин жогору баалап, атайын статуэткаларды сертификаты менен тапшырды.
Сыйлык тапшыруу салтанатына Кыргыз Республикасынын Министрлер Кабинетинин Төрагасынын орун басары Эдил Байсалов, Кыргыз Республикасынын Баатыры, «Легендарлуу» парламаенттин төрагасы Медеткан Шеримкулов, «Дордой» ассоцациясынын ардактуу президенти, белгилүү ишкер Аскар Салымбеков жана башка коомдук ишмерлер катышып, куттуктоо сөздөрүн айтышып, жылдын мыктыларына сыйлык тапшырышты. Шаңдуу музыканын коштоосунда уланган салтанаттуу аземдин жүрушундө сыйлык ээлери өз ара кеңири пикир алышып, көңүлдүү эс алышты.