Кыргызстанда 2022-жылы айлык акылар 200 пайызга чейин жогорулады. Бул тууралуу Финансы министрлигинен билдиришти.
Маалыматка ылайык, жалпысынан эмгек акыларды жогорулатууда кошумча жылдык керектөөсү 32,2 млрд сомду түзгөн.
Эмгек акынын орточо өсүшү:
— билим берүү жана илим кызматкерлерине 180% чейин;
— медициналык кызматкерлерине 150% чейин;
— маданият, маалымат жана спорт кызматкерлерине 200% чейин;
— социалдык коргоо кызматкерлери 200% чейин;
— мамлекеттик жарандык кызматчылардын 181% чейин;
— муниципалдык кызматчылардын 177% чейин;
— мамлекеттик кызматчылардын категориясына кирбеген кызматчылардын 172% чейин;
— техникалык тейлөөчү персоналдын 160% чейин;
— кенже тейлөөчү персоналдын 150% чейин;
— бош жалданган жана жарандык персоналдын айлык акысы 169% чейин.
Белгилей кетсек, 2022-жылдын 1-октябрынан тартып прокуратура органдарынын системасынын кызматкерлерин кошпогондо, КР аскер кызматчыларына жана укук коргоо органдарынын кызматкерлерине кызмат үчүн үстөктөрдү жылдык эмгек акынын фондунун 80 пайызына чейин жогорулатуу каралган.