Япониянын өкмөтү авариялык абалдагы “Фукусима-1” АЭСинен сууларды океанга агызуу боюнча планды жактырды деп кабарлады “Киодо” агенттиги. Бул чечим Япониянын премьер-министри Есихиде Сугинин министрлер кабинетинин мүчөлөрү менен жолугушуусунда кабыл алынды. АЭСтеги суу океанга эки жылдан кийин төгүү пландалууда. Март айына карата АЭСтин аймагындагы танкерлерде топтолгон радиоактивдүү тазаланган суулардын көлөмү 1,25 млн тоннага жетти деп айтылат маалыматта. Суу стронцийден, дейтерийден жана башка зыяндуу элементтерден тазаланган, бирок анда дагы деле тритий элементи бар. “Фукусима-1деги” авария 2011-жылдын 11-мартында кубаттуу жер титирөөнүн жана андан кийинки цунаминин айынан келип чыккан. Жаратылыш кырсыгынан ал күнү 16 миңге жакын жаран мерт болуп, жүз миңдеген япондуктар өз үйлөрүн таштап кетүүгө мажбур болушкан.
Фукусима АЭСиндеги суу океанга төгүлөт
