Калый Молдобасанов атындагы Кыргыз Улуттук консерваториясында жаш аткаруучулардын I Республикалык «Жаңы Муун» сынагынын өтүп атат. Сынактын ачылышы 4- июнь күнү Маданият, маалымат, спорт жана жаштар саясаты министри Кайрат Иманалиевдин катышуусу менен өткөн. Сынак 9 – июнга чейин улантылып, жаш аткаруучулар менен калыстар тобунун мүчөлөрү чыгармачыл жолугушуулары уюштурулат.
«Жаңы Муун» сынагынын жеңүүчүлөрүн сыйлоо аземи жана атайын концерттик программа 9- июнь күнү саат 17:00дө Калый Молдобасанов атындагы Кыргыз Улуттук консерваториясында өтөт. Эске салсак, сынакка 14 жаштан 25 жашка чейинки жаш аткаруучулар катышууда. Байге фонду 225 миң сом жана эки “Yamaha Clavinova” санарип үлгүсүндөгү пианино тапшырылат.
