Индонезиянын Борбордук Сулавеси провинциясында 6 баллдык жер титирөө катталды. Казинформ агенттигинин маалыматына караганда, жер силкинүүнүн кесепетинен 10 адам каза болуп, дагы 29 киши жаракат алды. Жабыркагандардын экөөсүнүн абалы оор экени кабарланууда.
Индонезия сейсмикалык жактан өтө кооптуу аймакта — «Тынч океандагы от шакегинде» жайгашкан. Дүйнөдөгү жер титирөөлөрдүн 90 пайызы дал ушул аймакта болуп турат.
