Мээрим Жуманазарова Ислам шериктештиги оюндарында 68 кг салмак категориясында күч сынашып, жеңүүчү аталды.
Кыргызстандык балбан кыз алгачкы беттештерде бангладештик Халима Актерди 6:0, азербайжандык Нигар Мирзазаданы 12:1 эсеби менен жеңип, турнирдин финалына чыкты.
Чечүүчү финалдык кармашта Мээрим Жуманазарова өзбекстандык Светлана Окназарованы 11:0 эсеби менен утуп, VI Ислам шериктештиги оюндарында алтын медалга ээ болду.
