Бул тууралуу Кыргызгидромет билдирди. Кыргызстанда июль айында абанын табы 40 градуска чейин көтөрүлөт,- делет маалыматта. Жаан-чаачын да аз болот.
Чүй облусу
Абанын айлык орточо температурасы климаттык нормадан 1 градуска жогору болуп, 24…26 градуска жетет. Ай ичинде абанын температурасы түнкүсүн 13…18 градустан 19…24 градуска чейин жылыйт. Күндүз бул көрсөткүч 25…30дан 34…39 градуска чейин өзгөрүлүп турушу күтүлүүдө.
Талас облусу
Абанын айлык орточо температурасы климаттык норманын чегинде болуп, 21…23 градус жылуу болору божомолдонууда. Ай ичинде абанын температурасы түнкүсүн 9…14 градустан 15…20 градуска чейин жылыйт. Күндүз 24…29дан 32…37 градуска чейин ысык болот. Жаан-чачындын айлык көлөмү нормадан аз болушу күтүлүүдө (16-20 мм).
Ош облусу
Абанын айлык орточо температурасы климаттык нормадан 1 градус жогору болуп, 25…27 градуска, тоо этектеринде 22…24 градуска жетет. Ай ичинде абанын температурасы түнкүсүн 13…18 градустан 19…24 градуска чейин, күндүз 26…31ден 35…40 градуска чейин ысыйт.
Жалал-Абад
Абанын айлык орточо температурасы климаттык нормадан 1 градус жогору болуп, 25…27 градус, тоо этектеринде 22…24 градуска чейин ысык болору күтүлүүдө. Ай ичинде абанын температурасы түнкүсүн 13…18ден 19…24 градуска чейин, күндүз 26…31ден 35…40 градуска чейин ысышы күтүлүп жатат.
Баткен облусу
Абанын айлык орточо температурасы климаттык нормадан 1 градустан жогору болуп, 25…27 градус, тоо этектеринде 22…24 градус ысык болушу күтүлөт. Ай ичинде абанын температурасы түнкүсүн 13…18ден 19…24 градуска чейин, күндүз 26…31ден 35…40 градуска чейин ысыйт.
Ысык-Көл облусу
Абанын айлык орточо температурасы климаттык норманын чегинде болуп, 18…20 градус жылуу болушу күтүлүүдө. Ай ичинде абанын температурасы түнкүсүн +10…+15 градустун тегерегинде болуп, күндүз 18…23төн 27…32 градуска чейин ысыйт.
Нарын облусу
Абанын айлык орточо температурасы климаттык норманын чегинде болуп, 18…20 градуска жетет. Ай ичинде абанын температурасы түнкүсүн 4…9дан 11…16 градуска чейин, күндүз 19…24төн 29…34 градуска чейин ысыйт.
