Израилде коронавирус менен ооругандардын саны азайып, ооруканалардагы COVID-19 менен ооруган бейтаптар үчүн ачылган бөлүмдөр жабыла баштады.
Израиль былтыр декабрь айынан баштап калкынын 50 пайызын эмдөөдөн өткөргөн. Жыйынтыгында илдеттин жайылышы кескин кыскарган. Дарыгерлердин айтымында, эгер мындан бир нече ай мурда ооруканалар бейтаптарга толуп, реанимацияларда орундар жетишпей жаткан болсо, азыр абал турукташты.
Көптөгөн медициналык борборлор учурда вирус жугузуп алган бейтаптардын жоктугун билдирип, COVID-19 үчүн атайы ачылган бөлүмдөрдү кыскартып, же таптакыр жоюп жаткандарын айтышат.
Израилдин Саламаттык сактоо министрлигинин берген маалыматы боюнча, учурда өлкө боюнча COVID-бөлүмдөрдө 385 адам гана дарыланууда жатат.
2021-жылдын 24-январында, Израилде 16 жаштан 18 жашка чейинкилер эмделе баштаган.
10-февралга карата калктын 40 пайызы эмделип, 3-мартка карата улуу муундун 50% эмдөөдөн өткөн.
Израиль коронавирусту жеңе баштады: өлкөдөгү COVID-бөлүмдөрү жабыла баштады
