Жалал-Абад облусунун Шамалды-Сай шаарынын дыйканы чөп чабуу учурунда күтүүсүз табылгага туш болуп, чөп түктөрүнүн биринде чоң кескелдирик табылганы тууралуу сүрөттү интернет булактарына тараткан. Сүрөттө чоң кескелдирик прессподборщикке кирип кеткени көрүнүп турат. Маалымат тарары менен ал оруп-жыюу маалында кокусунан чөпкө кирип кеткенин жана бул боз же так ири кескелдирик болушу мүмкүн экендиги айтылган. Ал ортодо эксперттер – кескелдириктин сейрек кездешүүчү түрү Кыргызстандын түштүгүндө, өзгөчө ысык мезгилде кездеше тургандыгын жазышкан. Экологдор болсо кескелдириктер сырткы көрүнүшүнө карабастан, адамдарга коркунуч келтирбей тургандыгын айтышкан. Биз бул маалыматты тактоо ирээтинде Шамалды-Сай шаарынын мэри Мирбек Тотоновго кайрылып, жооп алдык.
— Башында кескелдирик Бүргөндү-Достук айыл аймагынан табылганы тууралуу маалымат түшкөн. Биз, бул кандай жаныбар, анын кийинки тагдыры эмне болду? – деген суроолор менен териштирүү иштерин жүргүзгөнүбүздө, фейк маалымат болуп чыкты. Азыр да “снос” иштери менен жергиликтүү элди аралап жүрөбүз. Алар пресс-подборщикке кирип кеткен жаныбардын мындай бүтүн чыгышы мүмкүн эместигин айтып жатышат. Эгер жаныбар чын эле пресске кошулуп кала турган болсо, майдаланып кетмек. Биз ал окуяга күбө болгондорду таба алган жокпуз. Андыктан, сүрөт монтаждалганын же жасалма интеллект аркылуу жасалганын айта алабыз.
Жазгүл КЕНЖЕТАЕВА
