Борбор калаадагы түнкү клубдар, ресторандар, коомдук тамактануу жайлар, кафелер, караоке менен барлардын кечки саат 23:00дөн эртең мененки саат 7:00 чейин иштешине тыюу салган чектөө жоюлду.
Мындай чечимди Бишкек шаарынын мэринин милдетин аткаруучу Бактыбек Кудайбергенов ресторан бизнесинин өкүлдөрү менен жолугушуу учурунда кабыл алынды.
Бирок, көңүл ачуучу жана тамактануучу жайлар санитардык-эпидемиологиялык эрежелерди толук сактап, кардарларды имараттын жарымына гана баткыдай кылып кабыл алуулары керек.
Эске салсак, Коронавируска байланыштуу эпидемиологиялык кырдаалдын курчушуна байланыштуу, 17-июнь күну айрым чектөөлөр киргизилген. Маалыматка ылайык, тейлөө кызматынын өкүлдөрү буга каршы болуп шаар бийлигине кайрылышкан.