11-май күнү Кара-Суу шаарынын мэри болуп Арстанбек Жолдошов дайындалды. Бул маалыматты Кара-Суу шаардык мэриясынан тастыкташты.
Маалыматка караганда, Арстанбек Жолдошовду дайындоо жөнүндө буйрукка Кара-Суу райондук мамлекеттик администрациясынын башчысы Жакыпбек Субагожоев кол коюп, жамаатка тааныштырган.
Арстанбек Жолдошов 2017-жылга чейин Кара-Суу районунун Шарк айыл өкмөтүн жетектеген. Андан кийин Ош облустук жаштар иштери, дене тарбия жана спорт башкармалыгынын башчысы болуп эмгектенген.