Кыргызстандын Казакстандагы маданият күндөрүнүн алкагында Астана шаарында Кыргыз кино күндөрү өтүүдө. Бул тууралуу Кыргызстандын Кинематография департаментинен билдиришти.
Кино күндөрүнүн ачылышы кечээ, 26-октябрда «Керуен» соода-оюн-зоок борборунда болгон. Ал 29-октябрга чейин уланат.
Бул саамалыктын алкагында казакстандык көрүүчүлөрдүн назарына Артыкпай Сүйүндүковдун «Шамбала», Айбек Дайырбековдун «Дарак ыры», Эмил Атагелдиевдин «Көл» жана Бакыт Мукул менен Дастан Жапар уулунун «Акыркы көч» тасмалары сунушталат.