Украинанын борбор калаасы Киевде коронавирус илдети күч алып, кырдаал курчуп бара жатканга байланыштуу, 5-апрелден баштап карантин киргизилет. Мектеп жана бала бакчалардын бардыгы жабылат. Коомдук транспорт атайын талондор менен гана иштей турган болду. Абал көзөмөлдөн чыгып, коронавирус менен ооругандардын саны кескин түрдө көбөйүп кеткенге байланыштуу, шаар жетекчилиги карантин киргизүү чечимин кабыл алды. Акыркы суткада өлкөдө илдеттин 17,5 миңден ашуун жаңы учуру катталган. Бирок, мындай чектөөлөр калк арасында нааразычылык жаратып, ушундан улам өлкөдө митингдердин аягы бүтпөй жатат. Украинанын ишкерлер ассоциациясы ковид-чектөөлөргө каршы массалык түрдө авто жүрүш уюштурушту.
Киевде 5-апрелден баштап карантин киргизилет
