Нарын облусуна караштуу Кочкор районунда дүйнөнүн үч жолку чемпиону Айсулуу Тыныбекова атындагы спорт борбору ачылат. Бул тууралуу президенттин Нарын облусундагы өкүлү Алтынбек Эргешов спортчу менен болгон жолугушууда билдирди.
Облус жетекчиси учурда борборду ачуу аракеттери жүрүп жаткандыгын айтып, долбоор Президент жана Министрлер Кабинетинин Төрагасы тарабынан колдоого алынгандыгын кошумчалады.