AP News маалымдагандай, Конго Демократиялык Республикасынын борбору Киншасада акыркы күндөрү катуу жаан-чачындан улам шаарды толугу менен суу каптады. Натыйжада кеминде 19 адам каза тапты.
Жаан-чачындын кесепетинен көп үйлөр жана жолдор зыянга учурап, көчөлөрдө суунун деңгээли жогорулаган. Учурда өзгөчө кырдаалдар кызматы кырсык болгон аймактарда куткаруу иштерин жүргүзүп жатышат.
Адистер мындан ары дагы жаан-чачын болуп, Конгонун башка аймактарында дагы суу ташкындар болушу мүмкүн экенин эскертүүдө.
