19-сентябрда Улуттук коопсуздук мамлекеттик комитеттин төрагасы Камчыбек Ташиев 2022-жылдын 16-сентябрында кыргыз-тажик чек арасындагы атышуу учурунда жаракат алган чек арачы Дастан Шариповго Бишкек шаарынан 3 бөлмөлүү батирдин ачкычын тапшырды.
Дастан Шариповдун ата-энесине терең ыраазычылык билдирип, чек арачынын эрдиги өсүп келе жаткан жаш муундарга үлгү экендигин белгиледи.
Белгилей кетсек, 2022-жылдын 16-сентябрында мамлекеттик чек аранын кыргыз-тажик тилкесиндеги атышуу учурунда Дастан Шарипов минометтун жарылуусунан жаракат алып, оң бутунун тизесинен ылдый жагынан айрылган, ошондой эле сол бутунан күйүк алып, денесинен темирдин майда сыныктары алынган.