Бишкек – Нарын – Торугарт унаа жолундагы Калмак-Ашуу ашуусунда табылган «МАН» үлгүсүндөгү жүк ташуучу унаанын айдоочусу изделүүдө.
Өзгөчө кырдаалдар министрлигинин басма сөз кызматынан билдиришкендей, күн мурун жүк ташуучу унаа ашуудан чыга албай, жолду тосуп калгандыгы тууралуу маалымат түшкөн.
Жерине ӨКМдин үч куткаруучусу барган. «Токтоп турган унаанын ичинде айдоочу болгон эмес. Алдын ала маалыматына ылайык, ал Беларусь жараны болгон. Учурда куткаруучулар издөө ишин жүргүзүүдө», — деп айтылат маалыматта.