Кыргызстан элди турак жай менен камсыз кылуунун темпи боюнча Евразия экономикалык биримдигиндеги (ЕАЭБ) лидер мамлекеттердин катарына кирди. Бул тууралуу Улуттук статистика комитети маалымдады.
Расмий маалыматка ылайык, 2025-жылдын январь-март айларында өлкөдө турак жай курулушунун көлөмү өткөн жылдын ушул мезгилине салыштырмалуу 32,2%га өскөн.
Салыштыруу иретинде, ЕАЭБге мүчө өлкөлөр боюнча бул көрсөткүчтүн орточо өсүшү 9,4%ды түзгөн.
Статистикалык орган мындай жыйынтыкты турак жай курулушунун активдүүлүгү жана мамлекеттик программалардын ишке ашырылышы менен байланыштырат.
