Республикалык штабдын маалыматына ылайык, өлкөдө коронавируска каршы вакцинаны жалпы 90 миң 612 адам алды, анын ичинен 59 миң 893ына экинчи доза сайылды:
Бишкек шаарында – 21 миң 671, Ош шаарында – 7 миң 732, Чүй облусунда – 15 миң 652, Ош облусунда – 12 миң 095, Ысык-Көл облусунда – 8 миң 337, Талас облусунда – 4 миң 502, Нарын облусунда – 4 миң 620, Жалал-Абад облусунда – 11 миң 876, Баткен облусунда – 4 миң 127 адам эмделген.
Кыргызстанда калкты эмдөө үстүбүздөгү жылдын 29-мартында башталып, Кытайда өндүрүлгөн коронавируска каршы «Синофарм» вакцинасынын 150 миң дозасы менен эмдөөнүн алгачкы этабы жүргүзүлгөн. 22-апрелден тарта Россиянын «Спутник V» вакцинасынын 20 миң дозасы, 10-майда дагы 20 миң дозасы алынып келген.
