Кыргызгидрометтин маалыматына ылайык, декабрь айында өлкө аймагында абанын айлык орточо температурасы жана жаан-чачындын көлөмү көп жылдык климаттык нормага жакын болот. Аймактар боюнча аба ырайы төмөнкүдөй күтүлөт:
Чүй облусунун дыйканчылык аймактары
Абанын айлык орточо температурасы норма чегинде — -1…-3° суук, тоо этектеринде жана Кемин өрөөнүндө -3…-5° суук.
Ай ичинде түнкүсүн температура -7…-12° сууктан 0…5° жылуулукка чейин өзгөрөт. Айрым түндөрү -13…-18°, түндүгүндө -16…-21° суукка чейин төмөндөшү мүмкүн.
Күндүз -2° суук…+3° жылуулуктан 8…13° жылуулукка чейин жогорулап турат. Кээде -4…-9° суукка чейин түшүшү ыктымал.
Талас облусунун дыйканчылык аймактары
Абанын айлык орточо температурасы нормада — -2…-4° суук.
Түнкүсүн аба -10…-15° сууктан 0…-5° суукка чейин өзгөрөт. Айрым түндөрү температура -17…-22° суукка чейин төмөндөйт.
Күндүз -4° суук…+1° жылуулуктан 6…11° жылуулукка чейин көтөрүлөт. Кээде -5…-10° суук болушу мүмкүн.
Ош, Жалал-Абад, Баткен облустарынын дыйканчылык аймактары
Абанын айлык орточо температурасы норма чегинде — 0…2° жылуу, тоо этектеринде -1…-3° суук.
Түнкүсүн температура -5…-10° сууктан 0…5° жылуулукка чейин өзгөрөт, кээ бир түндөрү -11…-16° суукка чейин төмөндөйт.
Күндүз 0…5° жылуулуктан 9…14° жылуулукка чейин жогорулайт. Айрым күндөрү -1…-6° суук болушу мүмкүн.
Ысык-Көл облусунун дыйканчылык аймактары
Абанын айлык орточо температурасы нормада — 0…-2° суук, чыгышында -3…-5° суук.
Түнкүсүн аба -5…-10° сууктан -2°…+3° жылуулукка чейин өзгөрөт. Кээде -8…-13°, чыгышында -13…-18° суукка чейин төмөндөшү мүмкүн.
Күндүз -2…-7° сууктан 3…8° жылуулукка чейин көтөрүлөт.
Нарын облусунун дыйканчылык аймактары
Абанын айлык орточо температурасы норма чегинде — -10…-12°, Кочкор районунда -7…-9° суук.
Түнкүсүн температура -11…-16° сууктан -5…-10° суукка чейин өзгөрөт. Айрым түндөрү -17…-22°, Ат-Башыда -19…-24° суукка чейин төмөндөйт.
Күндүз -5…-10° сууктан -2°…+3° жылуулукка чейин өзгөрүп турат.
Эскертүү: Айрым күндөрү аба ырайы кескин өзгөрүшү мүмкүн, дыйкандарга жана чарбаларга алдын ала чара көрүү сунушталат.
