Кыргызстанда бир жылда 20 тоннадан ашык алтын өндүрүлөт. Бул тууралуу Экология министринин орун басары Алишер Калилов билдирди.
Маалыматка ылайык, учурда Кыргызстанда 14 тоо-кен ишканасы тогуз ири алтын кенин иштетүүдө. Алардын катарына Кумтөр, Макмал, Солтон-Сары, Жерүй, Тереккан, Иштамберди, Жамгыр, Караказык жана Талды-Булак Сол жээк кирет.
Мындан тышкары, чачыранды алтын казып алуу иштери Жалал-Абад, Нарын жана Чүй облустарындагы Сүлү-Тегерек, Каратөбө Бузук, Баймак, Иштамберди, Чанач, Күмбөлсу, Кынды, Токойлуу жана Карабулак кендеринде жүргүзүлүүдө.
