2025-жылдын 26-апрелинде Грузиянын Батуми шаарында пара-армрестлинг (кол күрөш түрү) боюнча профессионалдык турнир өтөт. Турнирге 2024-жылы Молдованын Кишинёв шаарында өткөн пара-армрестлинг боюнча дүйнө чемпионатынын күмүш медалисти, кыргызстандык спортчу Токтосун уулу Бекболсун жана 2024-жылдын дүйнө чемпиону грузиялык спортчу Вахтанг Ахобадзе жана башка спортчулар катышат.
Белгилей кетсек, Токтосун уулу Бекболсун дүйнөлүк деңгээлдеги профессионалдык пара-армрестлинг турнирине Азиядан чакырылган алгачкы спортчу болуп саналат.
