"Эркин-Тоо"
Жаңылыктар Спорт

Кыргызстандык спортчу алтын медаль тагынды

Кыргыз Республикасынын грепплинг боюнча курама командасынын мүчөсү Нурислам Жоромырзаев “THE 2025 CHICAGO SPRING GAMES” мелдешинде алтын медалга ээ болду. Мелдеш АКШнын Иллинойс штатынын Чикаго шаарында өттү.

Грепплинг жана жиу-житсу боюнча Кыргызстандын бир нече мелдештеринде чемпиондукту алган Жоромырзаев бул жолку беттешке +90 кг салмакта катышып, Канадалык жана Америкалык атаандаштарын уткан. Мелдештин финалдык бөлүгүндө Пакистандык атаандашын 8:0 эсебинде жеңип, алтын медаль тагынды.