Кыргызстандын волейбол боюнча кыз-келиндер курама командасы Өзбекстанда өткөн эл аралык мелдеште 3-орунду ээледи.
Борбордук Азия волейбол ассоциациясы (CAVA) уюштурган турнир 1–5-октябрь күндөрү Ташкент шаарында өттү. Анда Кыргызстандын, Өзбекстандын, Ирандын жана Тажикстандын командалары таймашты.
Алгачкы айлампада кыргызстандык спортчулар Иран жана Өзбекстандын командаларына жеңилип, 3-орун үчүн болгон беттеште Тажикстандын командасын 3:0 эсебинде жеңишти.
