Кыргызстандык жеңил атлетчи Дарья Маслова Тажикстанда өткөн эл аралык жарым марафондун жеңүүчүсү аталып, алтын байгеге арзыды. Бул Дарья Маслованын бир айдын аралыгындагы экинчи жеңиши,28-мартта Ташкентте өткөн марафондо да жеңүүчү болгон.
Дарья Маслова 21,1 чакырымдык жарым марафонго жарышка чыгып, белгиленген аралыкты 1 саат 12 мүнөт 2 секундада чуркап өттү. Бул жарышта күмүш байгени өзбекстандык спортчу Вереника Гришина, коло байгени тажикстандык Зулхича Гаффорзода алды.
Дарья Маслова 5000 жана 10 000 метр аралыкка чуркоо боюнча Азия оюндарынын эки жолку чемпиону. Эске салсак, 2019-жылдын 1-декабрда Испаниянын Валенсия шаарында өткөн эл аралык лицензиялык марафондо ал олимпиадалык нормативди ийгиликтүү аткарып, Токио-2020 Олимп оюндарына жолдомо алган.
Кыргызстандык жөө күлүк Дарья Маслова алтын байге алды
