Кытайдын Ооруларды көзөмөлдөө жана алдын алуу борборунун жетекчиси Гао Фу 10-апрелде Чэнду шаарында өткөн басма сөз жыйынында эмдөөлөр боюнча кытайлык вакциналардын натыйжасы төмөн болуп жатат деп айткандыгын Дойче Велле радиосу маалымдады. Анын айтымында “препараттардын коргонуу деңгээли жогору эмес”. Учурда эмдөөлөр үчүн ар кандай техникалык өндүрүштөн чыккан вакциналарды колдонуунун зарылдык маселеси расмий түрдө каралууда. Мисалы, Бразилиядагы сыноолор кытайлык Sinovac Biotech Ltd фармацевтикалык компаниясы коронавируска каршы вакцинасынын таасирдүүлүгү 50,4% деңгээлинде экендигин көрсөткөн.
Ошол эле учурда 2-апрелге карата Кытайда 34 миллион адам эмдөөлөрдүн эки дозасын, 65 миллионго жакыны бир дозасын алууга үлгүрүшкөн.
