АКШ менен Кытайдын ортосундагы кезектеги экономикалык согуш климаттын өзгөрүүлөрүнө байланыштуу болот деп билдирди CNBC.
Bank of America банкынын изилдөөлөр боюнча башкармалыгынын директору Хаим Исраэлдин божомолунда Вашингтон менен Пекиндин ортосундагы технологиялык жана соода согуштары “климаттык тирешүү” менен улантылат. Анткени, жакынкы ондогон жылдарда климаттын өзгөрүүсү башкы темага айланат. Электромобилдерди өндүрүү зор мааниге жана артыкчылыктарга ээ болот. Ал эми электромобилдерди өндүрүүнү жолго койгон өлкө келечекте дүйнөдө башкы лидерге айланат. Азырынча бул рынокту америкалык Теslа компаниясы башкарууда, бирок кытайлык атаандаштар анын жулугун басууда.
