Малайзия парламентинин сенатынын төрагасынын орун басары Датук Нур Жазлан Мохамед Кыргызстанга болгон расмий сапары Жогорку Кеңешти таркатуу чечими даярдалып жаткан убакка дал келгендигин айтып, аталган чечимдин өлкөнүн саясий өнүгүүсүндөгү маанилүү баскыч экендигин айтты.
Датук Нур Жазлан Мохамед өз сөзүндө: «Мен жакында эле Кыргызстанга расмий сапар менен бардым, ал Жогорку Кеңешти таркатуу чечимин даярдоо менен дал келди. 2025-жылдын 25-сентябрында Кыргызстандын Жогорку Кеңеши өзүн-өзү таркатуу жөнүндө маанилүү чечим кабыл алып, 2025-жылдын 30-ноябрына белгиленген мөөнөтүнөн мурда парламенттик шайлоого жол ачты. Бул кадам өлкөнүн андан аркы саясий өнүгүүсүндөгү маанилүү этап катары каралып, демократиялык мандатты жаңыртууга жана мамлекеттик институттарды чыңдоого болгон берилгендигин көрсөтөт», — деди.
Маалымат үчүн: Сенатор Датук Нур Жазлан Мохамед UMNO партиясынын мүчөсү (Бириккен Малайзия улуттук уюмунун мүчөсү), 2023-жылдын июнь айынан бери Малайзия парламентинин сенатынын төрагасынын орун басары болуп иштеп келет. 2015-жылдан 2018-жылга чейин ал Малайзиянын ички иштер министринин орун басары болуп иштеген.
