Малайзиянын премьер-министри Анвар Ибрагим Кыргызстанга расмий сапар менен келди.
“Манас” эл аралык аэропортунан Министрлер Кабинетинин Төрагасы – Президенттин администрациясынын жетекчиси Акылбек Жапаров тосуп алды.
Аэропорттогу флагштокторго Кыргыз Республикасынын жана Малайзиянын мамлекеттик желектери илинип, ардактуу кароолдун ротасы тизилген.
Сапардын алкагында жогорку деңгээлдеги жолугушуулар пландаштырылган. Жолугушуулардын жүрүшүндө кыргыз-малайзиялык мамилелерди саясий, соода-экономикалык, энергетикалык жана маданий-гуманитардык тармактарда ар тараптуу өнүктүрүү маселелери талкууланат.