Министрлер кабинетинин төрагасы Улукбек Марипов Баткендеги жаратылыш кырсыгынан жапа тарткан айылдарды кыдырып, кырсыктын кесепетин жоюу иштери менен таанышты. Анда кооптуу аймакта жашаган жарандарды көчүрүү маселесин чечүүнү тездетүү керектигин айтты:
“Биз мындай курмандыктарга жол бербешибиз зарыл. Андыктан жергиликтүү тургундарды кооптуу аймактардан көчүрүү маселесин тездетүү керек. Буга чейин 2018-жылы тургундарды көчүрүү процесси башталып, жер тилкелери жана курулуш материалдары бөлүнгөн. Бирок түшүндүрүү иштери начар жүрүп, тургундар кооптуу тилкелерде ушул күнгө чейин жашап келе беришкен”, -дейт ал.
Эске салсак, акыркы күндөрү Баткен жана Жалал-Абад облустарынын бир катар аймактарында сел жүрүп, адам өмүрлөрүн алган кырсыктарорун алды. Ондогон турак-жайлар кыйрап, айылдардын инфраструктурасы зыянга учурады.
