Кыргызстандык балбан Үзүр Жузупбеков Монголиянын Улан-Батор шаарында өтүп жаткан “Ulaan-Baatar Open” эл аралык мелдешинде алтын медаль тагынды. Ал 97 килограммга чейинки салмак категориясында күч сынашты.
Спортчу алгачкы айлампаларда эки монголиялык балбанды 10:6 жана 9:1 эсептери менен жеңип, финалга жолдомо алган. Чечүүчү беттеште индиялык балбанды 5:4 эсебинде утуп, турнирдин жеңүүчүсү аталды.
Эске сала кетсек, грек-рим күрөшү боюнча улуттук курама командасынын дагы бир мүчөсү Раззак Бейшекеев да ушул эле мелдешке 67 кгилограммга чейинки салмак категориясында катышып, алтын медалга ээ болгон.
