П.Шубин атындагы Борбордук балдар музыкалык мектебинин окуучуларына ийгилик жылмайды. Америка, Словакия, Казакстан, Беларуссия жана Кыргызстандын музыкалык мектептеринин окуучулары катышкан эл аралык The world of Art көп жанрлуу конкурс-фестивалы болуп өттү. Аталган фестивалга Кыргызстандын атынан П.Шубин атындагы Борбордук балдар музыкалык мектебинин окуучулары катышып, чоң жетишкендиктерди көрсөтүштү. Окуучулардын кесипкөйлүгү жана даярдыгы үчүн мугалимдер ыраазычылык каттары менен сыйланышты. Ошондой эле, апрель айында Россия Федерациясында эл аралык «Наследие» искусство борбору жана «Люди XXI века» кайрымдуулук фонду эл аралык «Ярче звезд» фестиваль — сынагын өткөргөн. Бул сынакта П.Шубин атындагы Борбордук балдар музыкалык мектебинин тарбиялануучулары катышып, бир катар сыйлыктарга татышты.
Музыкалык мектептин окуучулары ийгилик жаратты
