1-сентябрдан баштап Нарын облусу 2 ГИС маалымат сервисине кошулду. Мындан ары уюлдук телефондон 2 ГИС мобилдик тиркемесин көчүрүп алуу менен облустун картасын ачып, издеген даректи навигатор менен табууга мүмкүнчүлүк жаралды.
Президенттин облустагы өкүлчүлүгүнүн басма сөз кызматынан кабарлашкандай, аталган багытта жумуштар 4 айда жасалып бүткөн.
Нарын облусундагы ыйгарым укуктуу өкүлүнүн аппаратынын Реформалар, санариптик өнүктүрүү жана креативдүү экономика башкармалыгынын башчысы Шабдан Абдырайым уулу билдиргендей, Нарын облусунун маалымат сервиси 1-сентябрдан баштап толугу менен ишке кирди. Картада облустагы бардык даректер, обьектилер, туристтик жайлар, транспорт каттамдары, жол чийиндери, жол белгилери камтылган.