Нарында үйдүн чатырына терек кулады. Бул тууралуу ӨКМдин ббасма сөз кызматынан билдиришти.
Маалыматка ылайык, 28-июнда саат 15:55 чамасында болуп өткөн катуу шамалдын кесепетинен Ак-Талаа районунун Баетов айыл өкмөтүнө караштуу Кайыңды-Булак айылынын А.Жусубалиев көчөсүндө жайгашкан үйдүн чатырына терек кулаган.
Табигый кырсыктын кесепетинен чатырдын бир тарабынын шиферлери талкаланган.
Жерине Ак-Талаа районундук №47 ӨКБдан 4 куткаруучу тартылган. Бактыга жараша жабыркагандар жок.
Эске салсак, Баетов айылында жайгашкан гидропосттун кызматкерлеринин маалыматы боюнча шамалдын ылдамдыгы 16 м.с. чейин жеткен.