Нарын шаарында 600 адамга ылайыкталган жаңы «Жакыпбек ата» атындагы мечиттин ачылыш аземи болуп өттү. Бул тууралуу Курулуш министрлиги билдирди.
Маалыматка ылайык, мечиттин курулушу 2024-жылы башталып, бардык заманбап шарттары менен бүткөрүлгөн. Иш-чарага УКМК төрагасы Камчыбек Ташиев Нарын облусуна болгон жумушчу сапарынын алкагында катышты.
Ташиев мечиттин ачылышы менен жергиликтүү тургундарды куттуктап, алар менен бирге жаңы мечитте бешим намазын окуду.
