Нарындын Кочкор районунда КР Президенти Садыр Жапаровдун катышуусунда Ормон Ниязбек уулунун 230 жылдык мааракесине арналган салтанаттуу иш-чара белгиленүүдө.
Мааракенин алкагында Семиз-Бел айылында Кыргызстандын мамлекеттик туусу көтөрүлүп, Ормон хандын эстелиги ачылды.
Белгилей кетсек, иш-чаранын расмий бөлүгү Кочкор айылындагы М.Садыков атындагы стадиондо болот. Ал эми мааракенин маданий бөлүгү Кочкор айылындагы “Ормон Хан” сейил багында уюштурулат. Ошондой эле улуттук ат оюндары Семиз-Бел айылындагы Орто-Токой аймагында өткөрүлөрү айтылган.