Нарында жеке жаранга мыйзамсыз берилип кеткен 700 чарчы метр жер аянты мамлекетке кайтарылды. Бул тууралуу айыл чарба министрлиги кабарлады.
Жерди мамлекетке кайтаруу чечимин Нарын облусунун административдик соту канааттандырды. 2019-жылы Жумгал районунун Чаек айыл өкмөтү “Жеке менчик турак үй куруу үчүн жер участокторун берүүнүн тартиби жөнүндө” Жобону бузуп, чечим кабыл алган. Бул чечимди сот жараксыз деп тапты.