Учурда темир тор артында отурган орус оппозиционери Алексей Навальный, өзү отурган Покровдогу түзөтүү колониясынын жетекчилигине каршы сотко кайрылды.
Навальныйдын сотко кайрылуусунун себеби, түрмө жетекчилиги Куран китебин абакка алып кирүүгө уруксат бербей койгон. Саясатчы абакта мусулмандардын ыйык Куран китебин жана пайгамбардын сүнөттөрүн окууну максат кылган.
“Мен бул жакка бир ай мурун келгенде толгон китеп ала келгем. Дагы көп китепке буюртма бергем. Бирок мага бир да китепти бербей жатышат. Анткени, аларды “экстремизмге каршы текшерүү керек” дешет. Бул үч ай убакыт алат экен”.
Саясатчы Куранды экстремизмге каршы текшерүүгө зарылдыгы жок деп эсептейт.
Навальныйга түрмө жетекчилиги Куран китебин киргизүүгө уруксат бербей койду
